الأفضل تصوم قبل ما تعمل التحاليل دى . - نقابة الصيادلة الحكوميين
أخر الأخبار
الثلاثاء، 12 مايو، 2015

الأفضل تصوم قبل ما تعمل التحاليل دى .


التحاليل التى تحتاج الى صوم


فيه تحاليل من الضرورى إنك تكون صائم قبلها زى :-
 
1- نسبة السكر فى الدم "الصائم" .

الأكل ممكن يكون فيه سكريات بسيطة أو معقدة تتحول إلى جلوكوز، أو حتى بروتينات و دهون ، ممكن الفائض منها يتحول لجلوكوز و كل ده ممكن يؤثر على نسبة الجلوكوز فى الدم ، وعشان كده الصيام من 6-8 ساعات للمريض ده بيكون مطلوب قبل التحليل .



2- نسبة الكوليسترول فى الدم .

 
المفروض يكون المريض صايم برضه من 6-8 ساعات قبل تحليل الكوليسترول , لأنه بيعتمد على نسبة الدهون اللى ممكن تكون دخلت الجسم خلال الفترة السابقة للتحليل .
 

3- نسبة الدهون الثلاثية فى الدم .
 
ده من أشهر التحاليل اللى بتحتاج صيام من 12-14 ساعة بحالهم‬ قبل ما نقوم بيهم ,لأنه بيتأثر بالدهون برضه .

 
4- سرعة الترسيب " ESR " .


زمان كانوا بيقولوا إنه محتاج صيام 12 ساعة برضه, و لكن الحمد لله دلوقتى اكتفوا بصيام 6-8 ساعات زى أغلب التحاليل العادية ، و ده مهم عشان يحدد لنا إن كان فيه التهابات فى أى مكان فى الجسم لا قدر الله , أو لو إرتفع بشكل مبالغ فيه (أكتر من 100 فى قراءة الساعة الأولى) ممكن يدل على وجود أورام‬ أو سل‬ أو أمراض مناعية‬ .


5- الهرمونات بأنواعها .

 
و دول يشملوا هرمونات الغدة الدرقية و النخامية و الكظرية و البنكرياس و غيرها من الغدد الصماء اللى بتفرز هرمونات بشكل منتظم فى الجسم .


6- النقرس .

 
بيتم فيه قياس نسبة حمض البوليك " Uric Acid " و اللى ممكن تتأثر بتناول البروتينات فى الأكل بشكل واضح جدا .
 


7- الميكروب السبحى .

 
و هو واحد من أشهر أسباب الإصابة المتكررة بالتهاب اللوزتين و اللى ممكن يليها مشاكل فى المفاصل أو القلب و الكلى لا قدر الله وتحديدا عند الأطفال .
 


8- C-Reactive Protein .

 
و ده برضه من التحاليل اللى بنحدد بيها وجود ورم أو عدمه لا قدر الله أو أمراض نادرة تانية و لكن كلها ممكن تسبب التهاب فى جزء معين أو أكتر داخل الجسم .





ஜஜ۩ طب لو اتلخبطنا ؟؟!! .. نصوم ولا لأ ؟؟ ۩ஜஜ



أهم حاجة فى الموضوع دا هى إنك لو اتلخبطت ممكن تقرر تصوم قبل أى تحليل ليك حتعمله بعينة من الدم عشان يبقى أسلم لك و أسهل فى نفس الوقت و أعرف إنك مهما كنت صايم التحليل مش حيبوظ و لكن فيه تحاليل بالتحديد زى تحليل الدهون الثلاثية ممكن يبوظ منك لو ما كنتش صايم .


د.هبة الجندى
الأفضل تصوم قبل ما تعمل التحاليل دى . Reviewed by Mostafa Mahmoud on 3:38 م Rating: 5 فيه تحاليل من الضرورى إنك تكون صا ئ م قبلها زى : -   1- نسبة السكر فى الدم " الصا...