عامل ريساس RH Factor ومتى يتم أخذ حقنة الـ RH - نقابة الصيادلة الحكوميين
أخر الأخبار
الخميس، 12 فبراير، 2015

عامل ريساس RH Factor ومتى يتم أخذ حقنة الـ RH



فى البداية لازم نعرف أيه هو عامل ريساس ( RH Factor  ) : 

- دا جين بيكون موجود فى دم الإنسان وبيستخدم لتصنيف الدم زى مجموعات الدم المعروفة للكل ( A,B,AB,O ) .

- 85 % من الناس بتبقى موجب ريساس و 15 % سالب ريساس . 


عامل ريساس RH Factor




إزاى عامل ريساس بيأثر على الحمل ؟؟؟ 

- عامل ريساس بيسبب مشكلة فى حالة واحدة فقط لو كان الأب موجب ريساس و الأم سالب ريساس والطفل كان موجب زى الأب ( لإن الموجب جين سائد )



- أثناء الولادة ممكن يتسرب دم من الطفل للدورة الدموية للأم عند إنفصال المشيمة والجهاز المناعى للأم بيكون أجسام مضادة لعامل ريساس الموجب ، فى حالة الطفل الأول الأجسام المضادة مش هتلحق تأثر على الطفل علشان كدا الحمل الأول بيعدى من غير أى مشاكل . 

- فى حالة الحمل الثانى لو كان الطفل موجب ريساس ، الأجسام المضادة بتعدى المشيمة للطفل وبتهاجم خلايا الدم الحمراء وتسبب تكسيرها ( Hemolysis ) وبتسبب أنيميا حادة وزيادة البليروبين بيعمل صفراء Jaundice  تؤدى الى الوفاة . 

كيفية التغلب على المشكلة ؟؟؟ 

- زى ما قلنا الحمل الأول بيعدى من غير مشاكل ، المشكلة من بداية الحمل التانى علشان كدا لازم الأم تأخد حقنة الـ RH  فى خلال 72 ساعة من الولادة الأولى وبعد كل ولادة تالية وحتى بعد حالات الإجهاض . 

- لو الأم مأخدتش حقنة الـ RH  بعد الولادة الأولى وبعد كدا عرفت ان هى سالب ريساس ، لما تيجى الولادة التانية يتم سحب عينة من السائل الأمينوسى حول الجنين و نشوف نسبة الصفراء لو عالية بيتم نقل دم سالب ريساس للجنين وهو داخل الرحم أو التعجيل بالولادة عن طريق جراحة قيصرية ونقل الدم فور ولادتة . 

مهم جدااا الزوجين يعملو تحليل صورة دم علشان يعرفو ازاى كانو سالب أو موجب ريساس . 


عامل ريساس RH Factor ومتى يتم أخذ حقنة الـ RH Reviewed by mostafa mahmoud on 12:49 ص Rating: 5 فى البداية لازم نعرف أيه هو عامل ريساس ( RH Factor  ) :  - دا جين بيكون موجود فى دم الإنسان وبي...