الفرق بين الكريم و المرهم ؟؟؟؟ - نقابة الصيادلة الحكوميين
أخر الأخبار
الأحد، 18 يناير، 2015

الفرق بين الكريم و المرهم ؟؟؟؟





الفرق بين ال Cream وال Ointment

عندنا في الصيدليات نوعين من الدهانات مهمين للغاية طبعا هم الكريمات والمراهم

بعض الأدوية بنلاقيها في صورة كريم فقط

وبعض الأدوية بنلاقيها في صورة مرهم فقط

وبعض الأدوية ممكن نلاقي منها الصورتين كريم أو مرهم؟

طب يا ترى ايه الفرق بين الكريم والمرهم

وامتى بنختار ده أو ده؟!!!


الفرق بين الكريم و المرهم ؟؟؟؟



أولا لازم نعرف ان المرهم بيحتوي على جزء مائي وجزء دهني

وبتبقى نسبة الهيدروكربون فيه  أكبر من 50 %

ومن مواصفاته أنه :

1- لزج ( صعب الفرد نسبيا  ) صعب الإنتشار

2- لا يتبخر من على الجلد

3- لا يمتص من الجلد " بل تمتص المادة الفعالة فقط "



4- لا يتم غسله بالماء بسهولة

أما الكريم

نسبة الهيدروكربون فيه أقل من 50 %

ومن مواصفاته

- غير لزج ( يمكن فرده بسهولة ) سهل الإنتشار

- يتبخر من على الجلد أو يمتص من الجلد



- سهل الغسل بالماء

نتيجة لهذه الخواص

فالمرهم : يفضل للاستخدام على البشرة الجافة Dry skin : لأنه يضمن ترطيب لمدة أطول

بينما يستخدم الكريم على البشرة الدهنية oily skin :

لأنه يمتص أو يتبخر بصورة أسرع فيقلل من دهنية البشرة



طبعا الفرق اللي وضحته لحضراتكم ده الفرق العلمي

لكن فيه فرق عملي ممكن نقوله اذا كانت البشرة عادية لا هي دهنية ولا جافة

وهو أنه عموما

1-
اذا كان هناك صورتين من الدواء أحدهما كريم والأخرى مرهم

فان المرهم يفضل الا اذا كان مكان الإصابة لا يسمح بدهان المرهم !!


زي ايه؟

زي الأماكن الحساسة مثلا

او في الوجه : لو هندهن ونخرج للشارع يبقى الكريم افضل لأن المرهم هيلمع ويعمل فضيحة

أو لو هندهن الشعر: يبقى الكريم علشان الشعر ميلزقش في بعضه

أو على الكفين: اللي بنستخدمهم ومش عايزينهم ملزقين

أمثلة للأدوية اللي منها كريم ومرهم

Garamycin

Kenacomb

Fucidin

Dermovate

ملاحظة أخرى :

فيه ادوية منها مرهم بس..!!

وده لأن الوظيفة المطلوبة منها بتتطلب انها تكون في صورة مرهم

زي Diprosalic oint

ده مرهم بيحتوي على salicylic acid اللي هوة بيشتغل ك keratolytic

يعني بيشيل طبقة الكيراتين او طبقات الجلد الميتة

وعلشان يأدي الوظيفة دي لازم يكون في contact مستمر مع الجلد ومش يتمسح بسهولة

لذلك فهو يتواجد في صورة المرهم فقط

وفيه أدوية بتبقى كريمات فقط :

ودي غالبا بتبقى مستحضرات تجميل زي كل كريمات الوجه أو الشعر واللي متنفعش في صورة مراهم زي ما أوضحنا


في النهاية لازم ناخد بالنا ان غالبية المرضى مياخدوش بالهم من الأمور دي

وبالنسبالهم اي حاجة من اللي بتستخدم في علاجات الجلدية اسمها مرهم..!!

فلما يقولك مرهم كذا ممكن يكون فعلا محتاج مرهم أو كريم فلازم تتواصل معاه علشان تحدد احتياجه الحقيقي

ولكم وافر التحية د | خالد العيوطى


الفرق بين الكريم و المرهم ؟؟؟؟ Reviewed by نقابة الصيادلة الحكوميين on 3:04 م Rating: 5 الفرق بين ال Cream وال Ointment عندنا في الصيدليات نوعين من الدهانات مهمين للغاية ط...