كل شئ عن البورد الأمريكى (American Board ) - نقابة الصيادلة الحكوميين
أخر الأخبار
السبت، 6 ديسمبر، 2014

كل شئ عن البورد الأمريكى (American Board )


BPS = Board of Pharmacy Specialties

ده عبارة عن مجلس معتمد من الخبراء الامريكان من مختلف الجامعات الأمريكية لوضع المناهج اللأزمة لكى يصبح الصيدلى متخصص فى مجال معين ..




طيب ايه هى المجالات دى ؟؟؟

  1. Oncology
  2. ambulatory care
  3. Pharmacotherapy
  4. Nuclear Pharmacy
  5. Nutrition Support  pharmacy 
  6. Pediatric Pharmacy
  7. Psychiatric Pharmacy    

أى تخصص انت بتحبه بتدخلة بس كلامنا هنا هيبقى عن التخصص المشهور فى مصر وهو ال Pharmacotherapy



ايه فايدته وهل هو معتمد ولا لأ ؟؟؟ وهل يتيح لى العمل أم لا ؟؟؟ 


أولا بعد اجتياز امتحان الفارماكوثيرابى بتحصل على شهادة 
BCPS= Board Certified Pharmacotherapy specialist 



طب يعنى ايه Pharmacotherapy ؟؟؟؟ 



هو العلم المتخصص فى كيفية وضع الخطط العلاجية للأمراض المختلفة .
ومعترف بيه فى مصر وفى دول الخليج خاصة قطر وطبعا فى أمريكا 



طب اية طبيعة عمل الحاصل على ال Pharmacotherapy ؟؟؟




بيكون صيدلى أكلينيكى فى المستشفيات متخصص فى كيفية وضع الخطط العلاجية 

التخصص دا مطلوب جدااا فى دول الخليج بل ان معظم المستشفيات الكبرى تشترط الحصول على البورد الأمريكى فى  ال  Pharmacotherapy 


وكان صدر قرار من المجلس الاعلى للجامعات من شهور بمعادلة الحاصلين على البورد الأمريكى ( جميع التخصصات )  بدرجة ماجيستير صيدلة أكلينيكية بس دا كان للى سجل قبل 1-8-2014 






الاوراق المطلوبة للتقديم :-


1- تصريح مزاولة المهنة مر عليه 3 سنين مترجم من مركز معتمد زى مركز رأفت حمام جنب محطة مترو الدقى شارع التحرير بعدين تسحبه سكانر على الجهاز .

فى مكاتب بتزور تصاريح مزاولة المهنة لو انت مكملتش ال 3 سنين . ( فى نظرى انت طالب علم ومينفعش تستعين بالمعصية فى طلب العلم ) 

2- هتدفع من فيزا على ايميلك 600 دولار او ما يعادلها بالمصرى او الريال السعودى 

3- مقر الامتحان فى القاهرة ( سنتر اميد ايست - شارع محى الدين ابو العز - الدقى ) 


ملحوظة : مفيش حاجة اسمها السنتر بيديك شهادة معتمدة دا مجرد بيأهلك علميا مش أكتر 





طب الأمتحان بيكون أزاى ؟؟؟؟


الامتحان بيكون 200 سؤال على فترتين , كل فترة ساعتين ونصف لكل 100 سؤال وساعة راحة بين الفترتين  .


درجة الامتحان من 800 النجاح من 500 .

مصاريف الامتحان 600 دولار ولو رسبت تانى مرة بيبقى ب 300 دولار ويقال ان تالت مرة ايضا ب 300 دولار .

الامتحان بيتعاد كل 6 شهور , فى ابريل واكتوبر من كل عام .

ممكن تذاكر مع نفسك ودا صعب جداا ولكنه ليس مستحيل وفى ناس ذاكرت مع نفسها ونجحت .

يمكن الالتحاق بأى مركز تدريبى والكورس بيكون أكتر من 30 محاضرة ( المصاريف فى المتوسط 4000 جنية ) 


أماكن الامتحان : القاهرة يوجد 2 أماكن والاسكندرية أيضا 

ميعاد الامتحان زى ما قلنا شهر 4 او 10 على أن يتم حجز الامتحان قبلها بشهرين يعنى شهر 2 او 8 



منهج البورد الأمريكى فى تخصص ال  Pharmacotherapy  عبارة عن :- 


  1. Pediatrics
  2. Geriatrics
  3. Gastrointestinal Disorders
  4. Fluids, Electrolytes, and Nutrition
  5. Critical Care
  6. Ambulatory Care
  7. Endocrine and Metabolic Disorders
  8. Neurology
  9. General Psychiatry
  10. Infectious Diseases
  11. HIV/Infectious Diseases
  12. Nephrology
  13. cardiology 1
  14. cardiology 2
  15. policy, practice, regulatory issues
  16. Types of economic outcome assessment
  17. statistics
  18. oncology
  19. men and women's health



لمعرفة تفاصيل أدق عن البورد وتخصصاته .


ودا لينك كتاب البورد 2014 



ودى طريقة التسجيل للبورد الامريكى 



منقووول للأفادة 





كل شئ عن البورد الأمريكى (American Board ) Reviewed by mostafa mahmoud on 9:25 م Rating: 5 BPS = Board of Pharmacy Specialties ده عبارة عن مجلس معتمد من الخبراء الامريكان من مختلف الج...